आवश्यकता: सुन्दर सृष्टि गर्ने सुन्दरीको – राम कुमार श्रेष्ठ
सुन्दरी प्रतियोगितामा विजयी भएर ताज पहिरीसिंहासनमा बिराजमान तिमी साँच्चै सुन्दरी छ्यौ रे -
बान्की परेको अनुहार,
छरितो जीउ-डाल,
हरिणका जस्ता ठूला ठूला आँखा,
मोतीका दाना जस्ता दाँत,
घायल पार्ने मृदु मुस्कान,
सबैलाई लठ्ठ्याउने मीठो बोली,
परिस्थिति अनुसार जवाफ दिने सुन्दर कला,
त्यसैले
क्षमता होस् नहोस्
तिम्रो सामीप्यताको कल्पनामा डुबुल्की मार्छन् सबै जसो-
न त उपहार ल्याउदै भक्तिभाब देखाएर थाक्छन
न त प्रसंशा गरेर नै,
धेरै जीउँदो शहीद भैरहेछन् तिम्रो लागि-
विकास गर्ने भन्दा विकास खानेहरु,
आश्वासन पाउँनेहरुभन्दा आश्वासन बाँड्नेहरु,
प्रशासनद्वारा हाकिनेभन्दा प्रशासन हाँक्नेहरु,
योजना पाउनेभन्दा योजना बनाउने र बाँडनेहरु,
ब्यापारीहरु र पत्रकारको त झन कुरै भएन
“स्पोन्सर” गर्न ब्यस्त छन -
आखिर लगानी न हो,
तिमी भने आसे-पासेकाहरुलाई ठीक्क पार्दैमा ठीक छ-
शायद सुन्दरताको परिभाषा तिमीलाई नै थाहा छैन कि !
नत्र जति सुन्दरी प्रतियोगिता भए पनि
जति समयले कोल्टो फेरे पनि
ख्वै त तिमी भित्रको केही नयाँपना अनि सुन्दरता ?
रोबोटले झैं औपचारिकता मात्र कति निभाउने हो ?
सधैं परम्परा मात्र कति थामथाम थुमथुम पार्ने हो ?
प्यारी सुन्दरी,
साँच्चै तिमी सुन्दरी नै हौ भने त
सुन्दरताले मल-जल पाउनु पर्ने होइन र?
तिमीले सुन्दरताको सृष्टि गर्नु पर्ने होइन र?
त्यसो होइन भने त मलाई तिम्रो सुन्दरता किन चाहियो र ?
तिमीप्रति न त मेरो कुनै आशक्ति हुने छ
न त कुनै सपना
मलाई त त्यस्ती सुन्दरी चाहिएको छ
जसको हरेक सृष्टिमा सुन्दरता बर्सियोस्
काली, कोप्ची, छ्याकटी जस्तो भए पनि केही फरक पर्दैन
मात्र हुन पर्यो सुन्दर भाबना
ता कि हाम्रो सहवासमा भावनात्मक एकता हुन सकोस्
अनि
नयाँ नयाँ बुद्ध, न्युटन, आईन्स्टाइन, दाँते, गेटे,
पुश्किन, म्याडम क्युरी, मदर टेरेसाहरु
जन्माउन सकियोस
समय अनुसार चल्नेहरु त बग्रेल्ती जन्मेकै छन
मलाई त समय चलाउने र हाँक्ने
नयाँ नयाँ सन्तति चाहिएको छ !
नयाँ नयाँ सारथी चाहिएको छ ! !
नयाँ नयाँ युगद्रष्टा चाहिएको छ ! ! !
राम कुमार श्रेष्ठ
केण्ट, बेलायत
Sunlight peeps through my window
रामजी,
त्यसरी दुई भाबनाको एकताबाट बुद्द, अाइन्स्टाइन, पुश्किनहरु जन्माउन पाए कती सुन्दर हुन्थ्यो। त्यस्तो दिन कहिले आउँला? लाक्षणिक तबर्बाट धेरैतिर राम्रो झटारो हान्नु भएको छ। मिठो कबिताको लागि धन्यवाद ।
Wonderful! Definitely we need internal beauty. And good shatter to politicians as well.
Ram sir,
Thanks a lot for the nice poem.
Ram Da,
Excellent, time relevant and good shatter as well.
Sweet poem!
I like your way of writing! Excellent! Keep it up!
[...] http://www.shrijana.com/000/?p=1020 [...]